Двосменско работење во делчевската библиотека

– Поголем број од читателите не се во можност до 15:30 часот да дојдат во библиотеката и од 21. месецов вратите на библиотеката ќе бидат отворени секој работен ден до 18 часот. Ова значи дека и новата читална до тој период ќе им биде на располагање на читателите, вели Петровска.

 

Таа информира дека во библиотеката постојано се зголемува бројот на нови читатели, а редовно се обновува и книжниот фонд.

 

-Поради тоа што бројот на читателите секојдневно се зголемува, расте секојдневно и книжниот фонд. Моментно располагаме со 60.000 наслови меѓу кои детска литература, белетристика, романи и друга литература, а секако тука се и најновите изданија кои се популарни меѓу страсните љубители на книгата. Во однос на бројот на читатели, на наше огромно задоволство од почетокот на годината досега имаме 321 нов читател, што е солидна бројка, ако ја споредиме во однос на минатите години, додава Петровска.

 

Како што истакнува, моментно најбарани се делата на Донато Каризи, Џули Џејмс и Сузан Елизабет Филипс, а од ЈЛБ „Илинден“ најавија дека и понатаму ќе продолжат со збогатување на книжниот фонд со се што е ново, интересно и актуелно.