Две победи за финале во двојки за Ѓорческа

Македонската тенисерка Лина Ѓорческа успеа да се пласира во финалето во двојки на фјучрсот Сегед (награден фонд 50.000 долари). Таа заедно со Романката Кристина Дину оствари две победи во денешната програма.

Во 1/4 финалето ги победија унгарските тенисерки Далма Галфи и Река-Лука Јани со 7:6 (7:1) и 6:2 во сетови.
Во полуфиналето беа подобри од српските тенисерки Марина Качар и Милана Спремо со 6:0 и 6:3 во сетови.

Во финалето утре од 10 часот ќе играат против третите носителки Јустијана Јегиолка (Полска) и Гуадалупе Перез Рохас (Аргентина).