Две момчиња од Сарај продавале кокаин, еве како ги фатија
За две лица од скопско поднесена е кривична пријава бидејќи поседувале кесичка со кокаин.
Секторот за внатрешни работи Скопје до скопското Обвинителство поднесе кривична пријава против Б.Љ. (34) од село Горна Матка и Е.Р. (24) од село Сарај, скопско, поради сомнение дека сториле кривично дело „неовластено производство и пуштање во промет наркотични дроги, психотропни супстанции и прекурзори“.
Како што е наведено во полициското соопштение, на 17-ти овој месец околу 16:20 часот во село Горна Матка, полициски службеници забележале патничко возило „Ауди“ со скопски регистарски ознаки и дале знак за запирање на возилото. Возачот Б.Љ. се обидел да побегне, но набргу потоа бил запрен. Непосредно пред да застане возилото, од внатрешноста била исфрлена најлонска кеса, која подоцна била пронајдена. Во кесата имало наркотична дрога кокаин со маса од 69 грама.
Веднаш по настанот Б.Љ. и Е.Р. биле лишени од слобода и се задржани во Полициската станица Гази Баба.
Ново на Сител
-
,,Библиотека на тркала'' во Струмица - полесно до книга
-
Преглед на вестите од светот
-
Тема на денот со Васко Наумовски, поранешен вицепремиер за европски прашања
-
Има ли начин да се подобрат односите Скопје-Софија?
-
Коридорот 8 од железничката пруга продолжува со градба, брзата пруга за Солун е приоритет
-
Ќе има ли реално поевтинување на основните производи со ограничените маржи?
-
Стружани бараат затворање на казината
-
ВМРО-ДПМНЕ: Николовски трошел во ресторани а земјоделците чекале субвенции