Две лицa загинаа во сooбраќајна несреќа на експресниот пат Кочани - Штип

Две лица загинаа во тешка сообраќајна несреќа што попладнево околу 14 часот се случи на експресниот пат Кочани – Штип, кај подвозникот кон селото Тркање.

Од СВР – Штип информираа дека во несреќата учествувале две патнички возила со кочански регистарски таблички. Од здобиените повреди двајцата возачи починале на местото на несреќата.

Според првичните сознанија од терен, во сообраќајната несреќа дошло до директен судир на патнички автомобили фолксваген и пежо, при што кај едното возило избувнал пожар и тоа целосно изгорело.

На терен е екипа од Територијалната противпожарна единица од Кочани, а увид на местото на несреќата прави екипа од Полициската станица во Кочани.