Балкан
21. September 2022 - 20:46

Две лица загинаа при пад на хеликоптер во близина на Мармарис

– Две лица загинаа, а петмина асе повредени по уривањето на пожарникарски хеликоптер кој летал кон турското летувалиште Мармарис, каде гори шума.

Во хеликоптерот имало двајца Руси и петмина турски државјани. Турското Министерство за внатрешни работи не го соопшти идентитетот на загинатите.

Сè уште не е позната причината за несреќата.

Во гаснење на шумскиот пожар во близина на Мармарис, за што се претпоставува дека е подметнат, вклучени се 15 хеликоптери и осум авиони, 500 пожарникари со 40 камиони-цистерни и полициски водени топови.