Две дојави за бомби на концертот на Девито во Скопје

Две закани за бомби пристигнале за време на концертот на раперот познат под уметничкото име Девито, што се одржа на 22 ноември во салата „Јане Сандански“ во Скопјe.

Од полицијата соопштија дека во 20:51 и 21:17 часот, на линијата 112, биле примени повици за наводно подметнати експлозивни направи во спортската сала „Јане Сандански“ и хотелот до неа.

Салата не беше евакуирана за време на концертот. Полицијата реагирала веднаш, биле извршени сите проверки и било утврдено дека пријавите се лажни. Сè уште се преземаат мерки за расветлување на случајот.