Двајца загинати по обилниот снег во Полска, Словачка и Чешка
Обилниот снег предизвика несреќи и големи прекини на електричната енергија во Словачка, Чешка и Полска, каде денеска најмалку две лица загинаа во временските услови.
Во Цисиец, на југот на Полска, во близина на границата со Словачка, една постара жена загина откако дрво паднало врз нејзиниот дом за време на невремето.
-Пожарникарите ја пронашле пензионерката во куќата, изјави портпаролот на противпожарната служба за агенцијата ПАП.
Жена, исто така, загина во близина на северното пристаниште Гдањск кога нејзиниот автомобил удрил во дрво, наведува ТВН24, а телевизија денеска информираше за повеќе од 140 сообраќајни несреќи поврзани со обилни снежни врнежи и лизгави патишта.
Во северна Словачка, властите прогласија „вонредна состојба“ во 27 општини, што овозможува посебни вонредни мерки и ограничувања, објави агенцијата ТАСР.
Неколку популарни скијачки центри се затворени за викендот.
Жителите на регионалниот главен град Жилина и околните градови се повикани да не ги напуштаат своите домови освен во апсолутно неопходни околности.
Во Чешка, дрвјата што паднаа на далноводи оставија десетици илјади домаќинства без струја, јави агенцијата ЧТК.
Во близина на Јаблоне кон полската граница, службите за итна помош мораа да извлечат две повредени лица од нивниот автомобил откако врз него паднало дрво.
Ново на Сител
-
Казнети 37 автобуси што вршат превоз на ученици
-
Бесими - Руе: Капиталните инвестиции се еден од клучните приоритети на Владата
-
ОН: Недостигот на вода може да стане глобален проблем
-
Полицијата вчера во Скопје казни 215 возачи - поголемиот дел од нив возеле пребрзо
-
25-годишна девојка загина во сообраќајка на патот Битола - Кичево
-
ВМРО-ДПМНЕ: Дали Спасовски сузбива диви продавачи на марули, а криминалци не се дел од мерките на полицијата?
-
СДСМ: Го штитиме стандардот на граѓаните, замрзнати цените на јајцата и оризот
-
Руската морнарица „одбила“ напад со беспилотни летала врз пристаниште на Крим