Двајца од Арачиново удриле во полициско возило, па фрлиле јакна со пиштоли и куршуми

Филмска полициска бркотница се одвивала синоќа на подрачјето на Бит Пазар во Скопје.

Полицијата дала знак за запирање на автомобилот во кој биле две лица од Арачиново, скопско, но тие не застанале туку удриле во полициското возило и се обиделе да побегнат.

Кога полицијата ги стигнала и уапсила, двете лица М.Б.(31) и Џ.Б.(29), фрлиле јакна во која биле пронајдени два пиштоли и 20 куршуми од различен калибар, велат од МВР.

По целосно документирање на случајот, против нив ќе биде поднесена соодветна пријава.