Свет
24. November 2021 - 9:06

Двајца цивили загинаа во израелски напад врз централен сириски регион

Сириските државни медиуми денеска јавија дека двајца цивили биле убиени во израелски напад врз централен регион на Сирија, додека еден цивил и шест војници биле ранети, пренесува Тајмс оф Израел.
 
Сириската противвоздушна одбрана, според медиумите, пресретнала израелски напад над сирискиот град Хомс.
 
Израелската воздушна агресија беше насочена кон делови од централниот регион, јави државната телевизија додавајќи дека во нападот се убиени двајца цивили, додека еден цивил и шест војници беа повредени.
 
Евидентирана е и материјална штета.
 
Израелската страна сè уште не го коментираше случајот.