Двајца алжирски полицајци убиени во самоубиствен бомбашки напад

Бомбаш самоубиец уби денеска двајца алжирски полицајци, меѓу кои едниот се фрлил врз напаѓачот во момент кога експлодирал неговиот појас, соопштија безбедносните служби.

Во друг таков напад оваа година, бомбаш самоубиец се обидел да влезе во полициска станица во регионот Тиарет, но полицајците го спречиле. Напаѓачот носел оружје и појас со експлозив.

Во февруари полицаец осуетил обид за самоубиствен напад врз полициска станица во источниот град Константину, отварајќи оган врз напаѓачот кој се приближил и го активирал експлозивот на себе. Одговорноста за тој напад ја презеде џихадистичката група Исламска држава.