Дваесетминутен прекин на сообраќајот меѓу 14 и 16 часот помеѓу Пресека и Врбјани

Поради минирање на патот А2 Кичево – Охрид, на делот помеѓу Пресека и село Врбјани денеска сообраќајот ќе биде во прекин 15 до 20 минути меѓу 14:00 – 16:00 часот, соопшти АМСМ.

Автопатот А1 на делницата од мотел „Македонија“ до Градско, до 6-ти овој месец во периодот од 5 до 18 часот ќе биде затворен за сообраќај, поради снимање на францускиот филм „А Фонд”.

Сообраќајот како и досега ќе се одвива по стариот пат кој е обележан со соодветна сигнализација.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Виница – Берово, каде е можна почеста појава на одрони. 

Сообраќајот на државните патишта се одвива по наместа влажни коловози.

Интензитетот на сообраќај на патните правци надвор од градските средини е умерен.

На граничните премини од македонска страна нема подолги задржувања за влез и за излез од државата.