Дваесет и четири лица загинаа во шумски пожар во Португалија
Најмалку 24 лица загинаа синоќа во шумски пожар во околината на португалскиот град Леириа, изјави португалскиот премиер Антонио Коста.
- Се соочуваме со ужасна трагедија. Досега е потврдена смртта на 24 лица, но можно е оваа бројка да се зголемува, изјави Коста во седиштето на португалската Цивилна заштита во Лисабон.
Претходно португалските власти ја потврдија смртта на 19 лица. Две лица беа прогласени за исчезнати, а 20 се повредени.
Пожарот им се заканува на неколку населби во областа. Пожарот избувнал во близина на Педрогау Гранде, на околу 200 километри од главниот град Лисабон, околу 15 часот по локално време (14 часот по Гринич).
Околу 500 пожарникари и 160 противпожарни возила се мобилизирани и се бореа со огнената стихија во текот на ноќта.
Температурите во многу области на Португалија се искачија над 40 степени Целзиусови.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри