ДУИ најмногу советници во Дебар, ТДП во Центар Жупа
На вчерашните локални избори за членови на општинските совети во Дебар, најмногу советнички места обезбедила ДУИ, додека во Центар Жупа, Турската демократска партија.
-Во новиот совет на општина Дебар, кој брои 15 членови, шест обезбеди ДУИ, пет Алијансата за Албанците-Алтернатива, додека по две советнички места имаат СДСМ и ВМРО ДПМНЕ. На вчерашните избори од вкупно запишаните 19.211 лица со право на глас истото го остварија 8.046, изјави за МИА, Саит Абазоски, од ОИК за Дебар.
Во општина Центар Жупа, според претседателот на ОИК, Неџип Илјаз, од вкупно запишаните 7.317 гласачи, на гласање излегле 1.886 или 25,77 отсто.
-Во Советот на општината, кој брои 11 членови, пет обезбеди Турската демократска партија, по две советнички места имаат СДСМ и Движењето за национално единство на Турците и по едно ВМРО-ДПМНЕ и Партијата за движење на Турците, додаде Илјаз.
Во двете општини се гласаше на 27, односно 16 избирачки места и според ОИК изборниот ден минал мирно, освен со малите технички проблеми со апаратите за читање на отисок од прстот на неколку избирачки места.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка