ДУИ ги објави кандидатите за градоначалници за локалните избори
Демократската унија за интеграција, по состанок на Генералниот совет на партијата во Гостивар, ги официјализира седумнаесет кандидати за градоначалници и носителот на листата за Советот на град Скопје.
Портпаролот на партијата Бујар Османи изјави дека на состанокот на потесното партиско раководство со кој раководел лидерот Али Ахмети, едногласно е избрана листата на кандидати за градоначалници на изборите на 17 октомври.
– Едногласно, Централниот одбор на партијата ја прифати листата предложена од претседателот Ахмети којашто произлезе како резултат на бројни испитувања на јавното мислење и контакт со граѓантеи. Сигурен сум дека ќе излеземе со најдобрата програма на партијата за наредните избори. Состанокот помина во позитивна атмосфера, рече Османи.
Во одговорт на новинарско прашање каде очекуваат да победат во првиот круг, Османи нагласи дека ДУИ ќе извојува најубедлива победа досега.
– Нормално е на вакви прашања партиите да кажат ќе победиме уште во првиот круг. Меѓутоа, овој пат, навистина кажувам објективно и врз основа на сите параметри. Не мора да ги земеме само анкетите на ДУИ. И на другите партии направете проверка за анкетите на овие избори и ќе видите дека ДУИ ќе ја освои најголемата победа откога учествува на политичката сцена, рече Османи.
Кандидат на ДУИ во Студеничане ќе биде Ејуп Абази, во Чашка – Суат Шаќири, во Дебар -Хекуран Дука, во Липково – Еркан Арифи, во Врапчиште – Неби Реџепи, во Струга – Рамиз Мерко, во Желино – Фатмир Изаири, во Боговиње – Бесник Емшиу, во Теарце – Нухи Незири, во Пласница – Али Јаоски, во Брвеница – Аркин Јахии, во Сарај – Блерим Беџети, во Чаир – Висар Ганиу, во Кичево – Фатмир Дехари, во Гостивар – Невзат Бејта, во Тетово – Теута Арифи и во Арачиново – Ридван Ибрахими.
Кандидатот за општина Долнени ќе биде одреден наредните денови, а носител на листата на советници на град Скопје ќе биде Ардијан Муча.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево