Драматично на врвот во шпанската Примера по киксот на Атлетико Мадрид

Фудбалерите на Атлетико Мадрид ја закомпликуваа борбата за шампионската титула во Шпанија, откако синоќа загубија на гостувањето во Билбао кај Атлетик со 2:1 во рамки на 33. коло во Примера.

Билбао поведе во осмата минута преку Алекс Беренгер во осмата минута, израмни Стефан Савиќ (77), а победата на баскискиот тим му ја донесе Иниго Мартинез (86).

Атлетико и натаму го чува врвот на табелата со 73 бодови, но Реал Мадрид и Барселона сега имаат по два бодови помалку, а во игра за титулата е и Севиља, која заостанува четири бодови зад лидерот.

Во најдобра позиција е Барселона, која има натпревар помалку што треба да го одигра на 29 април против Гранада и со победа ќе го презеде водството на табелата. Барселона вчера триумфираше на гостувањето во Виљареал со 2:1.