Драма во Подгорица: Мајки легнаа пред Собранието, се закануваат со штрајк со глад

 Околу илјада жени, кои протестираат пред црногорската Влада, објавија штрајк со глад незадоволни од тоа што властите им намалија редица социјални бенифиции.

- Почнуваме штрајк со глад. Не за да го уцениме Уставниот суд, не за да ги уценуваме црногорските власти, туку за да им кажеме дека Уставот треба да се почитува, изјави Жељка Савковиќ, организатор на штрајкот.

Таа додаде дека очекуваат да им се придружат пензионери и студенти. Демонстрантите бараат Владата да поднесе оставка.

Владата на Црна Гора донесе решение да се намалат месечните дотации за мајките со повеќе од три деца од 336 на 264 евра и од 192 на 144 евра за оние со три деца. Такви надоместоци добиваат околу 21 илјада жени во Црна Гора.