Драма во Центар: Со „пасат“ му го удриле „мерцедесот“, па го истепале со дрвени предмети

Во скопски Центар едно лице со своето возило удрил во паркиран автомобил, па потоа заедно со уште еден човек го нападнале сопственикот на паркираното возило.

-Вчера во 19.30 часот во СВР Скопје Н.Р.(31) од Скопје пријавил дека околу 14.30 часот пред угостителски објект на подрачјето на Центар, каде бил паркиран со патничко возило „мерцедес“, со скопски регистарски ознаки, бил удрен од патничко возило „фолксваген пасат“, со скопски регистарски ознаки, управувано од Б.Ш., со кого се познавал од претходно. Според пријавеното, подоцна бил и нападнат со дрвени предмети од две лица кои биле во возилото, велат од полицијата.

 Се преземаат мерки за расчистување на случајот.