Драма во автобус на ЈСП: Возач на 9-ка нападнат со секира

Вчера во 16.30 часот во Скопје на ул. „Св.Кирил и Методиј“, А.С. (40) од Скопје започнал расправија со возачот на автобус со возен број 9, Е.А. (32) од Скопје. 

Поради недоразбирање во сообраќајот А.С. излегол од своето патничко моторно возило  „Ауди А4“, со скопски регистарски ознаки, и со секира удрил во страничното стакло од автобусот и се обидел преку искршеното стаклото да го нападне возачот.

Потоа влегол внатре во автобусот, со намера да го нападне возачот, но од страна  на патниците кои биле во автобусот бил спречен во намерата.

Од страна на АЛФА тим А.С. е приведен во ПС Центар. СВР Скопје превзема мерки за расчистување на настанот.