ДПС нема да го поддржи Румен Радев за втор претседателски мандат
Парламентарната партија Движење за права и слободи нема да го поддржи Румен Радев на претстојните претседателски избори во Бугарија, изјави пратеникот од партијата Јордан Цонев во емисијата „Панорама“ на Бугарската национална телевизија.
Според дописникот на МИА во Софија, причина за одлуката бил дијалогот меѓу претседателот Радев и лидерот на ДПС Мустафа Карадај за време на консултациите за формирање влада, кога Радев го прашал Карадај која е неговата татковина.
Нападите се случија по обвинувањата против привремениот министер за економија Кирил Петков дека има канадско државјанство и дека не треба да ја извршува таа функција.
„Поради оваа изјава ќе има последици. Како што придонесовме Румен Радев да стане претседател во 2016 година, така и сега ќе придонесеме да не стане повторно. Нема да го поддржиме на изборите”, рече Цонев.
Претседателските избори во Бугарија треба да се одржат на 14 ноември. Се уште нема одлука дали тие ќе бидат заедно со предвремените парламентарни избори во земјата.
Ново на Сител
-
Дурмиши: Работната група утре ќе предложи мерки за ограничување на цените
-
Во јули 204.336 туристи престојувале во земјава
-
Филипче: СДСМ е против задолжување од Унгарија
-
ЦУ: Спречен шверц на цигари скриени под тапацир на камионска кабина
-
Мицкоски за реакциите на поранешните членови на Историската комисија: Ќе видиме каде се трошеле парите
-
Утре дожд и грмежи, од недела опаѓање на температурите
-
Мицкоски: Бранителите ја имале и ќе ја имаат мојата поддршка
-
Руските сили ноќеска го гаѓаа Киев со дронови