Донесено дополнувањето на Законот за основање на Универзитетот „Дамјан Груев“

Собранието на Република Македонија денеска во рамки на 108 седница со 62 гласа „за“ и еден „против“ го донесе Законот за дополнување на Законот за основање на Универзитет за национална одбрана, безбедност и мир „Дамјан Груев“ во Скопје.
Расправата по законот беше завршена на претходното продолжение на 108. седница така што пратениците само гласаа за него.
По гласањето, пратениците ја започнаа 110 седница, на која тие гласаа по скратена постапка да бидат донесени измените и дополнувањата на Законот за пензиското и инвалидското осигурување и на Законот за градење, а исто така беа изгласани и измените и дополнувањата на Законот за органско земјоделско производство.
Со Предлог закон за изменување и дополнување на Законот за пензиското и инвалидското осигурување, по скратена постапка, како што појасни заменик министерот за труд и социјална политика се предлага усогласувањето на пензиите во 2016 година да изнесува 5%, со цел подобрување на социјалната положба на корисниците на пензија.
На дневен ред на 110 седница се и измените и дополнувањата на Законот за градење, по скратена постапка. Министерот за транспорт и врски Владо Мисајловски истакна дека целта на Предлог - законот е поефикасно спроведување на постапките за дислокација на енергетски објекти поради изградба на патна и железничка инфраструктура и ставање во употреба на одредени градби од јавен интерес.
Собранието ќе ја продолжи 110. седница во 13:30 часот откако за законите по скратена постапка ќе заседаваат матичните комисии.
Ново на Сител
-

УНФПА предупредува: Светот ризикува да ја разочара следната генерација
-

Тошковски во Дубаи ја прими наградата „Excellence in Road Safety“ за „Безбеден град“
-

Јанев за грчката државна телевизија ЕРТ: Изградивме силни и тесни врски со грчката полиција
-

Потешко до работа во Германија: Од 50.000 на 25.000 Германија ја намалува квотата за работници од Македонија и регионот
-

Во Сенџен почна историската средба Шји – Трамп – Путин
-

Италија подготвува забрана за социјални мрежи за деца под 13 години – до 16 години само со родителска контрола
-

ДЗР: Потребни се дополнителни мерки за зајакнување на ИТ безбедноста во ФЗОРСМ
-

Исламот би можел да стане најголема светска религија до 2035 година
