Донесена пресудата за милионскиот грабеж во Тутунска банка
Четворицата обвинети за грабежот во НЛБ Тутунска банка добија вкупно 20 години затворска казна.
На првообвинетиот Бобан Смилевски денеска му беше изречена казна затвор од девет години и два месеца за кривичните дела затајување и тешка кражба. Неговиот брат Горан како второобвинет доби шест и пол години, третообвинениот Борис Мичевски пет години и два месеца, додека четвртообвинетиот Мирослав Каевски доби условна казна за затајување.
Со пресудата, која денеска беше соопштена во Основниот суд Скопје 1, осудените се должни да го вратат целиот износ кој го украле од НЛБ банка.
Четворицата обвинети за грабежот ја признаа вина, но не открија што сториле со украдените пари.
Тие на 10 април годинава од НЛБ украле 2.000.000 швајцарски франци и 270.000 евра.
Надлежниот обвинител кој постапува во предметот до Судот доставил и обвинителен предлог против други четири лица, на кои како одговорни лица во банката врз основа на општ акт, со посебно овластување им биле доверени определен круг на работи, но тие несовесно постапиле во вршењето на своите овластувања и должности и со тоа го овозможиле противправното присвојување на паричните средства во горенаведениот износ. Постапката против овие четири лица продолжува одвоено.
Ново на Сител
-
Со новиот граничен премин Маркова нога – Лемос на 40 минути ќе се намали времето на патување од Ресен до грчка Преспа
-
Вчерашното невреме предизвика големи штети во струмичко
-
Приведен млад кавадарчанец, крадел пари од црква и украл донација за болно дете
-
Денес е Духовденска задушница
-
Попладне можност за дожд и грмежи
-
Сиљановска Давкова: Курбан Бајрам ја истакнува благородноста на човекот, мотивирајќи нè да се грижиме за сите членови на заедницата
-
Николоски: Партнерството со Обединетото Кралство е уникатно, договорите носат голема додадена вредност за Македонија
-
Најмалку четворица загинати во руските напади врз Киев, соопштија локалните власти