Доналд Трамп во посета на Саудиска Арабија
Американскиот претседател Донакд Трамп денеска ја започнува својата прва официјална посета на една странска земја од стапувањето на функцијата, со престој во саудискиот главен град Ријад.
Трамп, кој рано изутринава отпатува од Вапингтон, при посетата на Саудиска Арабија ќе биде придружуван од сопругата Маланија и од ќерката Иванка.
Саудиска Арабија е повеќедецениски стратешки парнер на САД во реонот на Блискиот Исток, пред се во сферата на одбраната и експлоатацијата на нафта.
Односите меѓу двете земји делумно се влошија по нападите во Њујорк и Вапунгтон на 11 септември 2001 година, откако беше утврдено дека 15 од 19-те напаѓачи се саудиски државјани. Односите целосно се нормализираа во 2003 година, кога Саудиска Арбија стана стратешки партнер на Вашингтон во борбата против Ал Каеда, а од 2014 година земјата е дел и од антиџихадистичката коалиција предводена од САД, која врши воздушни напади врз позициите на групата Исламска држава (ИД) во Ирак и Сирија. Саудиска Арабија е и еден од главните поддржувачи на сириските бунтовници кои се борат против режимот во Дамаск.
Белата куќа ја оцени посетата на Трамп на Саудиска Арабија како „историска“, најавувајќи дека тој на средбите во Ријад ќе повика на единство во борбата против радикализмот во муслиманскиот свет.
Предвидено е Трамп во Ријад да се обрати на средба на која ќе присуствуваат лидерите на повеќе од 50 претежно муслимански држави, при што, според најавите, ќе нагласи дека борба против екстремизмот претставува „битка меѓу доброто и злото“.
Во рамките на својата прва турнеја во странство, по Саудиска Арабија, Трамп ќе ги посети и Израел и Ватикан, по што ќе учествува на средбите на врвот на НАТО во Брисел и на Групата седум индустриски најразвиени земји во светот (Г-7) на Сицилија, а ќе се сретне и со претседателот на Европскиот совет Доналд Туск и со првиот човек на Европската комисија, Жан-Клод Јункер.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава