„Дојче банк“ со платена реклама во германските весници се извини за своето неправилно работење
Најголемата германска банка, „Дојче банк“ (Deutsche Bank) со цела рекламна страница во весниците се извини за своите неправилности во работата, што компанијата ја чинеа загуби во милијарди евра, пренесоа американските медиуми.
Извинувањето, потпишано од главниот извршен директор, Џон Крајон, се појави во саботните изданија на германските весници, вклучувајќи ги и „Франкфуртер алгемајне цајтунг“ и минхенски „Зиддојче цајтунг“.
Банката признава дека нејзиното однесување во минатото „не само што не чинеше пари, туку и нашата репутација и доверба“.
Во текот на декември минатата година „Дојче банк“ во вонсудска спогодба со американското Министерство за правда прифати да исплати 7,2 милијарди долари заради договори со нетранспарентни обврзници, гарантирани со хипотекарните заеми од 2005-2007 година. Загубите со таквите хартии од вредност придонесоа за избувнување на светската финансиска криза, потсетуваат американските медиуми.
Другите случаи на прекршувања на работењето на банката ги вклучува манипулациите со водечките каматни индекси и перењето пари, поврзани со Русија.
Во платената рекламна порака компанијата вети дека: „Ние во управниот комитет и раководството на банката ќе направиме се што е во наши сили за да го спречиме повторувањето на ваквите случаи“.
Ново на Сител
-
Кривична против 17-годишник од Скопје, во продажен објект со остар предмет одзел пари од вработените
-
Од 1 септември учениците ќе имаат учебници по странски јазици
-
МЗ: Хоспитализација на деца наместо во Козле, времено во Детската клиника и на Инфективната клиника
-
ЦУК: Изгаснати 28 пожари, активен еден пожар во општина Василево
-
Од утре многу топло време, следната седмица над 40 степени
-
Сообраќајна несреќа на влез во Скопје, сообраќајот се пренасочува
-
Доктори од Клиниката за онкологија вршат прегледи во болницата во Битола, а од идната недела и во болницата во Тетово
-
Ангелов: Досега пријавени околу 400 лица за превенција од пожари, рокот продолжен за уште пет дена