Договорот за добрососедство со Македонија доставен на ратификација во бугарското Собрание
Владата на Бугарија денеска и формално го достави на ратификација во бугарското Народно собрание Договорот за пријателство, добрососедство и соработка со Република Македонија што беше потпишан на 1 август во Скопје од страна на премиерите на двете држави, Зоран Заев и Бојко Босисов.
Како што се наведува во соопштението од прес-службата на бугарската Влада, ратификацијата на документот е израз на желбите на Бугарија да изгради добрососедски односи врз основа на европските вредности.
Договорот, се наведува, ќе даде видливи резултати во однос на проширувањето на транспортните врски и комуникации меѓу двете држави, учество и обезбедување средства за регионални инфраструктурни и прекугранични проекти, како и олеснување на комуникацијата меѓу луѓето на двете земји.
Договорот за пријателство, добрососедство и соработка со Република Македонија формално ќе стапи во сила кога ќе биде ратификуван од парламентите на двете земји. Со него се предвидува унапредување на севкупната соработка, а меѓу другото и формирање комисија за историско-образовни прашања на паритетна основа која треба да придонесе за објективно и засновано на докази научно толкување на историските настани поврзани со двете земји.
Бугарската вицепремиерка и министер за надворешни работи Екатерина Захариева, како што објави МИА, најави дека се очекува Договорот за добрососедство да биде ратификуван во Собранието на Бугарија до крајот на неделава.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници