Доделени нови 65 решенија за легализација во општина Гази Баба

Нови 65 решенија за легализација на бесправно изградени објекти денеска беа доделени во општина Гази Баба. 

Во општината досега се доделени околу 5.900 решенија за утврдување правен статус на бесправно изградени објекти на физички и правни лица, од околу 16.000 поднесени барања од граѓаните.

- Воведени се повеќе технички мерки за подобрување на динамиката на решавање на предметите, преку тимовите формирани да постапуваат по барањата за легализација, кои се составени од вработени во општината и дополнително ангажирани волонтери, информира општина Гази Баба.