До Собранието доставени оставките на министрите и замениците од СДСМ
Претседателот на Владата за организирање на предвремените парламентарни избори Емил Димитриев попладнево до Собранието на Република Македонија ги достави оставките на министрите и замениците министри предложени од СДСМ во техничката Влада.
Доставени се оставките на министерот за внатрешни работи Оливер Спасовски, на министерот за труд и социјална политика Фросина Ташевска - Ременски и на дополнителните заменици министри за финансии Кире Наумов, за земјоделство, шумарство и водостопанство Љупчо Николовски и за информатичко општество и администрација Александар Кирацовски.
Спасовски, Ташевска - Ременски, Наумов, Николовски и Кирацовски денеска до премиерот доставија условени оставки во кои бараат тие да бидат констатирани доколку остане во сила одлуката за распуштање на Собранието.
Според оваа одлука, Парламентот треба да се распушти на полноќ. Во тек се разговори меѓу политичките партии за можно одложување на оваа одлука.
Ново на Сител
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници
-
Преглед на вестите од светот
-
Јаневска: Можно е враќање на старата концепција за основно образование
-
Приватните превозници ќе ги паркираат автобусите
-
Судскиот совет смета дека распуштањето не е добар чекор