До крајот на јуни Грција планира да бидат вакцинирани жителите на сите острови
„Сина слобода“ е насловена новата операција на грчката Влада за вакцинација на постојаните жители на островите што треба да заврши до крајот на јуни, како што денеска соопшти премиерот на Грција Кирјакос Мицотакис на состанокот преку видеоконференција со градоначалниците на островите, јави дописничката на МИА од Атина.
Конкретниот процес ќе ги опфати сите полнолетни жители на 19 острови, а ќе бидат имунизирани со вакцината на Џонсон и Џонсон, која е само една доза.
– Првата голема пратка на вакцините од Џонсон и Џонсон на крајот од месецот ќе се упати кон вас, за да се изгради првиот масовен ѕид на имунитет. Бидејќи на 19-те најголеми наши острови живеат над 700.000 наши сограѓани, им рече Мицотакис на градоначалниците на островите.
Генералниот секретар од Министерството за здравство на Грција, Мариос Темистоклеус, кој исто така учествуваше на состанокот објасни дека целта е до крајот на јуни да бидат вакцинирани жителите на сите грчки острови, со исклучок на Крит, и истакна дека досега, вакцинацијата е завршена на 32 острова, а на други 36 ќе заврши до крајот на месецов.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп