Димковски: Нема „африканска свинска чума“ во земјава
Министерот за земјоделство, шумарство и водостопанство Трајан Димковски денеска соопшти дека во нашата земја, во моментов, нема „африканската свинска чума“, но се спроведуваат превентивни мерки.
– Во комуникација сме со Ловечката федерација, со инспекторите од АХВ, а утрово со директорот на АХВ Зоран Атанасов имавме состанок на оваа тема. Тие имаат обезбедено доволен број маркици бидејќи ова е состојба во која и застреланите диви свињи ќе треба да се обележат затоа што се земаат анализи за да се види каква е состојбата и да се следи, рече Димковски, одговарајќи на новинарско прашање.
Димковски информира дека вчера разговарале со еден од директорите на ЈП „Национални шуми“ за ловиштата што немаат концесионер или онаму каде е одземено концесионерството, од некои причини.
– Тие концесионерски ловишта се додадени на управување на „Национални шуми“, така ловните дозволи ќе бидат издавани и од страна на „Национални шуми“, рече Димковски во МЗШВ.
Министерот Димковски потсети на мерките што веќе се спроведуваат, како засилени контролите на граничните премини, не смее да се внесуваат преработки од месо и сувомеснати производи што содржат месо од свињи. Доколку се најдат, овие производи се одземаат и се уништуваат на депонијата „Дрисла“.
Информира дека веќе разговараат со АХВ за да се внимава особено на паркинзите.
– Во летниот период има туристи, кои ќе застанат на паркинг, можат да користат вакви намирници и потоа ги оставаат во контејнер. Се работи на една таква организација. Правиме се, земајќи ги искуствата од државите каде веќе се појавила болеста, рече Димковски, додавајќи дека сите институции се алармирани и желбата и намерата е оваа болест да не се појави кај нас.
Министерот за земјоделство соопшти дека не очекува драстично зголемување на цената на свежо свинското месо, туку можно е меѓу потрошувачите помалку да се користи овој вид месо. Изрази уверување дека е безбедно свинското месо во нашата држава.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка