Димитров: Прашање на денови е кога ќе го потпишеме Пристапниот протокол за НАТО
Прашање на денови е кога Македонија ќе го потпише Пристапниот протокол со 29-те земји членки во седиштето на НАТО во Брисел, изјави денеска министерот за надворешни работи Никола Димитров.
-Уште немаме прецизен датум, не знаеме точно кој ден, но може да очекуваме тоа да се случи идната седмица. Потоа, веднаш процесот повторно се враќа во Парламентот во Атина и исто така ќе биде тоа прашање на неколку денови, со тоа практично ставаме точка на една цела ера. Со тоа завршува спорот, меѓутоа влегуваат во сила и Преспанскиот договор и амандманите на Уставот. И тоа создава од една страна големи шанси и го отвара патот, од друга страна многу административни обврски на кои мора да работиме, рече Димитров на новинарско прашање пред денешната дебата организирана од Институтот за демократија Социетас Цивилис за европските перспективи на земјата за време на романското претседателство со ЕУ.
Тој појасни дека Македонија го добива столчето во НАТО веднаш штом се одобри пристапниот протокол, кој значи изменување на Вашингтонскиот договор.
-Веднаш штом се одобри Пристапниот протокол ние добиваме столче. Седиме до генералниот секретар кога е состанокот на Северноатлантскиот совет сочинет од амбасадори на 29-те земјите-членки. На министерско ниво привилегијата ќе ја има вицепремиерот и министер за одбрана Шекеринска во февруари кога ќе биде министерскиот состанок, а на ниво на МНР во април во Вашингтон, рече министерот Димитров.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња