Димитров: Посакуваме во среда Нимиц да излезе со првичен предлог за името
Министерот за надворешни работи, Никола Димитров, во синоќешното интервју за емисијата „Клик плус“ на ТВ 21 изјави дека сѐ уште нема предлог за решавање на спорот со името, но воедно истакна дека медијаторот Метју Нимиц е охрабрен да излезе со првична рамка уште следната недела.
„Сѐ уште на маса немаме предлог за решавање на спорот со името. Одлучивме да го охрабриме медијаторот Метју Нимиц да излезе што е можно побрзо, дури и идната среда, со една првична рамка што ќе послужи или што ќе даде насоки за суштински напредок и најавивме подготвеност да се вклучиме како шефови на дипломатии директно, нешто што досега не се случило“, изјави министерот Димитров во рамки синоќешното интервју.
Како што истакна тој, факт е дека меѓу Македонија и Грција и натаму постојат разлики и во наредниот период ќе се види дали ќе биде возможно тие да се надминат.
„За Грција е многу важно да има појасна дистинкција меѓу државата Македонија и регионот Македонија во Грција. За нас е многу важно да нема никаков сомнеж во однос на идентитетските прашања и многу е важно да најдеме достоинствен начин да објаснуваме и да елаборираме“, рече Димитров.
Според него, не може Македонија да биде само грчка бидејќи не е, но исто така не може ниту Македонија да биде само наша бидејќи не е, а географскиот регион е голем и има три држави.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка