Димитров го прими новоименуваниот амбасадор на Холандија во земјава
Министерот за надворешни работи Никола Димитров денеска го прими новоименуваниот амбасадор на Кралството Холандија во Република Северна Македонија, Дирк Јан Коп.
Како што соопшти МНР, посакувајќи му срдечно добредојде и успех во вршењето на функцијата, министерот Димитров изрази увереност дека во текот на мандатот на амбасадорот Јан Коп, односите и соработката меѓу двете пријателски земји натамошно ќе се продлабочуваат.
Во оваа прилика, министерот информираше за преземените активности во последниот период во функција на обезбедување напредок во евроинтегративните процеси и актуелните домашни случувања. Во овој контекст, беше истакнато дека очекуваме позитивна одлука на Советот на ЕУ во октомври, при што холандската поддршка останува клучна за валоризација на постигнатото во изминатите две години во насока на продлабочување на европскиот пат на Северна Македонија.
Амбасадорот Јан Коп изрази задоволство од укажаната можност, лично да придонесе во зајакнување на македонско-холандското пријателство. Тој ја повтори поддршката на холандската Влада за натамошна имплементација на реформската агенда во нашата држава, како и нивните заложби, оваа година со почитување на принципот „стриктно и фер“, Северна Македонија да ги реализира своите стратешки цели.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај