Димитриевски: Грижата за пензионерите е наша чест и обврска, тоа се луѓето кои не израснале и ја изградиле државата

Независниот кандидат за градоначалник на општина Куманово Максим Димитриевски и носителката на листа за советници во идниот Совет Ивана Ѓорѓиевска, денеска остварија средба со Здружението на пензионери од Куманово.

„Да се грижиме за пензионерите е наша чест и обврска. Тоа се луѓето кои не израснале и изградиле во тоа што сме денеска, луѓе кои ја изградиле државата. Подобар живот на сите пензионери е нашата водилка во имплементација на локалните политики. Вложивме многу, но сакаме да продолжиме да им служиме и да бидеме пример за одговорни граѓани. Драго ми е што на денешната средба со Здружението на пензионери од Куманово, се чувствува нивната огромна поддршка. Чест ми е што пензионерите се задоволни од досегашното раководење на општината. Ова е голема почит и признание за целокупниот труд. На средбата, ја презентиравме изборната програма и имавме плодна дискусија за потребите на сите пензионери“, потенцираше Димитриевски.

Во изборната програма на граѓанската иницијатива „За наше Куманово“ предвидено е проширување на капацитетите на Дом за стари лица „Зафир Сајто“, како и континуирано подобрување на условите во постоечките капацитети на овој дом.

„Ќе субвенционираме јавен градски превоз за пензионери и ќе организираме културни, спортски настани и екскурзии за пензионери. Тие заслужуваат достоинствен живот, а За наше Куманово продолжува со вистинската грижа за нашите пензионери, наши родители, наши баби и дедовци“, рече
Димитриевски.