ДИК: Засега нема приговори за изборите
До Државната изборна комисија (ДИК) до денеска до 14:00 часот политичките партии и коалициите не поднеле приговори за гласањето, сумирањето и утврдувањето на резултатите од неделните предвремени парламентарни избори, информираат од Комисијата.
Подносителите на листи на кандидати имаат право да поднесат приговори до ДИК за постапката за гласање, сумирање и утврдување на резултатите во рок од 48 часа по завршувањето на гласањето, односно 48 часа по објавувањето на првичните резултати.
Приговорите за постапката за гласање можат да се поднесуваат најдоцна до вечер до 19 часот, додекот рокот за поднесување приговори за постапката за сумирање и утврдување на резулатите истекува в среда, во три часот наутро.
ДИК е должна во рок од 48 часа по приемот на секој приговор да донесе одлука. Против одлуката на ДИК, подносителот на приговорот може да поднесе тужба до Управниот суд во рок од 24 часа.
Конечните резултати од предвремените парламентарни избори 2016, ДИК ќе ги соопшти веднаш, а најдоцна во рок од 24 часа по завршувањето на целата постапка по приговори.
Ново на Сител
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим