ДИК: Стево Пендаровски е избран за нов претседател
Стево Пендаровски ќе биде новиот претседател на Република Северна Македонија, покажуваат првичните неофицијални резултати од денешниот втор круг на претседателските избори што вечерва ги соопшти претседателот на Државната изборна комисија Оливер Дерковски.
Според податоците на ДИК од обработени над 98 отсто од гласовите, или 3.436 избирачки места, Пендаровски освоил 423.292 гласа или 51,83 отсто, а неговата противкандидатка Гордана Силјановска Давкова 363.980 гласови или 44,57 отсто. Од вкупниот број запишани граѓани во Избирачкиот список, Пендаровски освоил 23,41 отсто, а Силјановска Давкова 20,13 отсто.
-Му честитам на Стево Пендаровски на изборот и се надевам дека функцијата ќе ја извршува успешно, рече Дерковски на вечерашната прес-конференција.
Дерковски информира дека вкупно на гласање излегле 46,44 отсто од граѓаните или 816.649 од вкупно запишаните 1.808.131 во Избирачкиот список. Важечки гласачки ливчиња биле 787.272, а неважечки 29.377 или 3,60 отсто.
Тој рече дека од аспект на ДИК денешните избори поминале во фер и коректна атмосфера. До ДИК, рече, во текот на денот не пристигнале никакви забелешки за нерегуларности на избирачките места и тоа, според него, е чекор напред во демократизација на општеството.
Тој им честиташе на граѓаните кои достоинство излегле и го дале својот глас за еден од двајцата кандидати, а изрази надеж дека на наредните избори тоа ќе го направат и оние кои денеска останале дома.
Дерковски најави дека утре на прес конференција ќе ги соопштат резултатите од сите избирачки места и оттогаш ќе важат роковите за приговори и жалби.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија