ДИК до 23.15 часот: 292.417 гласови за ВМРО-ДПМНЕ и 267.980 за СДСМ

Според податоците на Државната изборна комисија до 23:15 часот, ВМРО-ДПМНЕ и Коалицијата „За подобра Македонија“ освоиле 292.417 гласови или 39,52 отсто, а СДСМ и Коалицијата „За живот во Македонија“ 267.980 гласови или 36,22 отсто.

ДУИ освоиле 52.715 гласови или 7,12, БЕСА 32.709 или 4,42, Алијанса за Албанците 21.048 или 2,84, ДПА 19.407 или 2,62 отсто, „ВМРО за Македонија“ 15.115 или 2,04 отсто, Левица 6.437 или 0,87, Коалиција за промени и правда Трет блок 5.874 или 0,79 отсто, Либералната партија 2.314 или 0,31 отсто и ПДП 631 или 0,09 отсто.

Ова се податоци од вкупно обработени 739.939 гласови.

ДИК  сукцесивно ги објавува податоците  испратени електронски од општинските изборни комисии.

Околу полноќ се очекува ДИК на прес-конференција да излезе со првичните резултати од денешните предвремени парламентарни избори.