Девет лица уапсени под обвинение за убиство и злоупотреба на моќта по земјотресот во Албанија
Под обвинение за убиство и злоупотреба на моќта по земјотресот од минатиот месец во Албанија, во кој загинаа 51 лице, уапсени се деветмина .
Како што објави полицијата, двајца од нив биле сопственици на нелегално изградени хотели што се урнаа во Драч, една од најтешко погодените области. Нелегалното градење е еден од најголемите проблеми во земјата од падот на комунизмот во 1990 година, кога голем број жители се преселија во градови, по што почна масовно да се гради со слаба контрола од власта.
Над 14.000 луѓе останаа без дом по земјотресот од 26 ноември, најтежок во Албанија во последните неколку децении.
Обвинителите издадоа вкупно 17 налози за апсење на инвеститори, градежни инженери и официјални лица поради прекршување на безбедносни стандарди при градење. Осуммина се недостапни за полицијата и се верува дека некои од нив избегале од земјата по земјотресот.
Епицентар на земјотресот со јачина од 6,4 степени според Рихтерова скала бил 34 километри северозападно од Тирана и најмногу мртви имаше во Драч и Тумане. За да помогне во обновата, Европската комисија ќе одржи донаторска конференција во Тирана следниот месец.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни