Македонија
31. May 2020 - 17:42

Детектор: Секој втор Македонец не планира да оди на одмор ова лето

Половина од граѓаните не планираат да одат на годишен одмор ова лето, покажува најновото истражување на јавното мислење кое за Детектор го спроведе Институтот за политички истражувања Скопје.
Според него, 47,1% од анкетираните граѓани велат дека не планираат да летуваат оваа година, додека 33,7% велат дека ќе одат на одмор.
Од оние кои ќе летуваат, 32,9% велат дека тоа ќе го сторат во Македонија, додека 28,8% во странство.
Најголем дел од граѓаните кои ќе летуваат или 9,6% велат дека ќе одат во Охрид. 7% планираат одмор во Грција, 4,2% во Албанија, по 2,3% во Турција и во Дојран а 2,1% во Струга.

Истражувањето на јавното мислење е спроведено телефонски од Институтот за политички истражувања Скопје во периодот од 13 до 14 мај годинава, врз репрезентативен примерок од 1108 испитаници, со маргина на грешка од плус-минус 3%.