ДЕТАЛИ за тешката сообраќајка: Малолетник со „BMW“ се заби во „Chevrolet“ - 6 лица повредени

Шест лица се повредени, од кои тројца потешко, во сообраќајната несреќа што се случи на регионалниот пат Тетово - Јажинце во близина на селото Лешок, пренесува Телеграф.мк.

Од Секторот за внатрешни работи информираат дека сообраќајната несреќа се случила во 16:10, а во неа учествувале две патнички возила, од кои едното „BMW“ со тетовски таблички управувано од 16-годишен малолетник од Слатино и „Шевролет авео“ со тетовски таблички управуван од 28-годишниот М.А. од Џепчиште.

Малолетникот се здобил со тешки телесни повреди опасни по живот и по итна постапка е префрлен на скопските клиники.

Жената, нејзините две деца и сопатникот биле пренесени во тетовската клиника. Кај едно од децата се констатирани тешки повреди а потешко е повреден и работник на бензиската пумпа кој се здобил со скршеница на ногата.

Увид на местото по наредба на Јавен обвинител извршила екипата на СВР Тетово и според првичните информации причина за несреќата е преголема брзина.

Двете возила се видно оштетени а малолетникот најверојатно немал ни возачка дозвола и возилото кое го управувал не било регистрирано.

Се работи на расчистување на случајот.