Детали за сообраќајката на патот Куманово - Крива Паланка

Поради сообраќајна несреќа, затворен е за сообраќај  магистралниот пат А2 Куманово - Крива Паланка, кај кривопаланечкото село Псача.

Според податоците од Министерството за внатрешни работи, сообраќајката е пријавена во Полициска станица од општа надлежност Крива Паланка во 13 часот и 57 минути. Сообраќајката се случила кај селото Псача, општина Ранковце, помеѓу две патнички моторни возила, од кои едното е со регистарски ознаки од Република Бугарија.

МВР информира дека увидот е се уште во тек.

Како што соопшти Автомото сојузот на Македонија, сообраќајот е во прекин од 14:30 часот.