Десетици илјади луѓе се евакуираат поради обилните дождови и поплави во Јапонија

На десетици илјади луѓе од североисточна Јапонија им е наредено да се евакуираат поради поплавите предизвикани од обилните дождови.

На приближно 25.000 лица од префектурата Акита им е наредено да се евакуираат, а други 65.000 посоветувани се да се подготват за напуштање на погодениот регион.

Неколку реки се излеале, а повеќе од сто куќи се поплавени, но се уште нема информации за загинати или повредени луѓе.

Поради обилните дождови отежнат е и железничкиот сообраќај од и до Акита.