Денови на Хиландар во Скопје

Со предавање на архимандритот Методије и со изложба на фотографии од монахот Милутин Хиландарец, утревечер во Кинотека на Македонија ќе почнат Деновите на Хиландар во Скопје, во организација на Српскиот културно-информативен центар „Спона“.

Игуманот на светогорскиот манастир Хиландар, архимандрит Методије, ќе одржи предавање ма тема „Духовните искуства на Света Гора“.

Ќе биде отворена и изложбата „Светлописи“ на монахот Милитун кој во Хиландар го извршува послушанието манастирски фотограф.

Од „Спона“ соопштија дека за време на престојот во Скопје, отец Методије во нивните нови простории ќе разговара со членовите, активистите и соработниците на Центарот и ќе посети некои од средновековните православни храмови на поранешниот метох на Хиландар.