Дендиас: Посакуваме да имаме одлични односи со сите соседи
Грција посакува секогаш да биде во јадрото на Европа, да има одлични односи со сите соседи и да биде фактор на стабилност и безбедност во регионот, рече шефот на грчката дипломатија Никос Дендиас по потпишувањето на Меморандумот за соработка меѓу Министерството за надворешни работи и Министерството за одбрана на Грција за формирање Дирекција за одбранбена дипломатија во грчкото МНР, jави дописничката на МИА од Атина.
– Дојдовме да потпишеме меморандум за соработка со Министерството за одбрана за да можеме да имаме целосна синхронизација меѓу активностите и перцепциите на овие две министерства. Компатибилен со пошироката доктрина на нашата земја, земја членка на Европската унија, која посакува секогаш да биде во јадрото на Европа, но и земја која посакува да има одлични односи со сите нејзини соседи, да биде фактор на стабилност и безбедност во регионот, рече Дендиас.
Министерот за надворешни работи на Грција додаде дека не треба да се заборави дека земјата, „традиционално држи маслиново гранче, но е и земја која поседува и меч“.
Министерот за одбрана на Грција, Николаос Панајотопулос по средбата со Дендиас и потпишувањето на меморандумот рече дека двете министерства се основни столбови во обликувањето и водењето надворешна политика.
– Министерството за надворешни работи и Министерството за национална одбрана се приближуваат и развиваат блиска и интензивна рамка за соработка преку формирање, во Министерството за надворешни работи, Канцеларија за одбранбена дипломатија, во кое ќе работат офицери од армијата. Сѐ ова е за да постои подобра и поинтензивна координација меѓу двете министерства за да имаме поефективно водење на надворешната политика на земјата, посочи Панајотопулос.
Ново на Сител
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228
-
ДИК: Oд обработени 63,59% oд гласовите Силјановска Давкова 214.560, Пендаровски 105.593
-
ДИК: Oд обработени 59.59% oд гласовите Силјановска Давкова 197.741 - Пендаровски 97.592
-
Двојна предност на Силјановска пред Пендаровски од 50,3% обработени гласа
-
ДИК: 46,36% oбработени
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490