Демолирана канцеларијата на претседателот Иванов во Тетово

Засега непознати сторители денеска со тврди предмети - парчиња  од ќерамиди и бетон,  и со употреба на сила ги скршиле изложните  и стаклата од влезната врата на канцеларијата на претседателот на Република Македонија  Ѓорѓе Иванов, лоцирана на улица „Борис Кидрич“ во Тетово, информираше портпаролот на СВР Тетово Марјан Јосифовски.

Според неговите податоци, за време на инцидентот кој се случил утроТо помеѓу 5 часот и 5 часот и 50 минути, пред и во внатрешноста на канцеларијата биле фрлени и неколку јајца.

По наредба на јавен обвинител извршен е целосен увид, оштетувањата се фотодокументирани и се преземаат мерки и активности за откривање на сторителите, рече Јосифовски.