Делови од Аеродром, Кисела Вода и Карпош утре без струја

Поради технички зафати во електромрежата, утре без струја ќе бидат дел од корисниците во општините Аеродром, Кисела Вода и Карпош, информира Регионалниот центар за управување со кризи на Град Скопје по добиено известување од ЕВН Македонија.

Во Аеродром струја ќе немаат потрошувачите од ул. Милан Зечар бр. 6 и 8 и ул. Владимир Комаров бр. 3 (од 8 до 13.30 часот),  бул. АСНОМ бр. 42  (од 8.30  до 11 часот) и на ул. Тодор Чангов – броеви 41, 43, 45, 47, 49 и 51 (од 8 до 16 часот).

Во општина Кисела Вода утре без електрична енергија ќе бидат корисниците на ул. Герника од бр. 1 до бр. 12, само парни броеви, од 8.30 до 11.30 часот.

Во општина Карпош струја ќе нема за корисниците од бул. Партизански одреди бр. 74, во периодот од 9 до 10.30 часот.