Деловен клуб на ССК и општина Илинден за јакнење на локалната економија

Преку формирање деловен клуб, Сојузот на стопански комори (ССК) и Општина Илинден ќе ја зајакнуваат економијата на локално ниво.

Основањето на деловниот клуб ќе биде официјализирано денеска со меморандум за соработка помеѓу општината и комората. 

- Потпишувањето на меморандумот ќе значи партнерство кое ќе овозможи ефективна соработка помеѓу општината и бизнис заедницата, со цел забрзување на економскиот развој и создавање поволни услови за водење бизнис и инвестирање, соопшти ССК.

Меморандумот ќе го потпишат градоначалникот Жика Стојановски и претседателката на ССК  Данела Арсовска.