Делев:Преземаме мерки за блокираните македонски камиони
ЦЕФТА и сите релевантни институции во Брисел се исконтактирани и запознаени со проблемот на македонските камионџии, кои неколку дена се заглавени на српско-хрватската граница, информира вечерва заменик министерот за економија Христијан Делев.
По посетата на Струшкиот регион Делев појасни дека членките на ЦЕФТА разговарале за итен состанок во Молдавија, како земја претседавач, доколку до вторник не биде тргната забраната.
- Сите институции во Брисел се исконтактирани, исконтактирана е и ЦЕФТА и чекаме на хрватската страна овие санкции да ги тргнат, доколку не го направат тоа до вторник ќе биде закажан состанок на ЦЕФТА каде што ќе бидат преземани и други соодветни мерки, изјави Делев.
Тој посочи дека уште вчера македонското МНР упатило нота и писмо до Хрватска во врска со блокирањето на македонски камиони на границата со Хрватска.
- Ние реагиравме, укажавме на хрватските власти дека ова е надвор од сите меѓународни договори за проток на луѓе и стоки. Покрај контактот со институциите во Брисел и со ЦЕФТА ги контактиравме и нашите колеги во Србија, Косово, Албанија и Турција, кои се засегнати со овој проблем, истакна Делев.
Изрази надеж дека хрватските власти ќе најдат соодветно решение и нема да ја применуваат оваа мерка во иднина, бидејќи последиците ги трпат сите земји од овој дел на Балканот што транзитираат преку Хрватска.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми