Делегација на Уставниот суд на регионална конференција во Белград
Делегација на Уставниот суд на Република Северна Македонија учествуваше на регионална конференција на тема „Примена на Европската Конвенција за заштита на човековите права-искуства и предизвици на судовите во Централна и Југоисточна Европа”.
На настанот, како што информираат од Судот, била потенцирана улогата на националните судови и судиите во постапките со цел овозможување на ефективна заштита на правата од конвенцијата.
Во текот на двата дена од конференцијата, претставниците на највисоките судски инстанци на Централна и Југоисточна Европа дискутирале на пет тематски панели: „Слободата на изразување и судовите“, „Правото на непристрасен суд во кривичната постапка“, „Борбата против организираниот криминал во практиката на Европскиот суд за човекови права и домашните судови“, „Стекнување и губење на имотни права – принципи на добра волја и добра управа“ и „Процесни права – право на пристап до судот во граѓански прашања“.
На конференцијата која се одржа на 15 и 16 септември во Белград учествувале судии од Европскиот суд за човекови права и судии од уставните и врховните судови на Федерацијата Босна и Херцеговина, Република Српска, Црна Гора, Северна Македонија, Хрватска, Словенија и Србија.
Нашата делегација ја предводеше Добрила Кацарска, претседателката на Уставниот суд и Мирјана Лесевска шефицата на кабинетот и советничка на Судот.
Конференцијата ја организираше Врховниот касационен суд во Србија со поддршка на проектот „Зајакнување на ефективни правни средства за спречување на кршењето на човековите права во Србија“, кој се спроведува во рамките на заедничката програма на Европската Унија и Советот на Европа.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули