Данска нема нови случаи на коронавирус и покрај ублажување на мерките
Данска, првата земја надвор од Азија што ги ублажи своите рестриктивни мерки за спречување на ширењето на КОВИД-19, во средата соопшти дека бројот на заразени не се зголемил од влегувањето во втората фаза на рестартирање на социјалните активности минатиот месец.
Таа нордиска земја дозволи ресторани, кафулиња и трговски центри да продолжат со работа во текот на мај во втората фаза на ублажување. Во април, дозволи повторно отворање на градинки, училишта, фризерски салони и мали бизниси.
– Нивото на инфекција е сè уште многу ниско – рече во средата данската служба за јавно здравје, додавајќи дека потврдениот број новозаразени продолжи да опаѓа и покрај новите тестови.
Бројот на смртни случаи од коронавирус варира меѓу нула и четири на ден во последните три недели, по врвот на 22 регистрирани смртни случаи на 31 март. Бројот на хоспитализирани пациенти се намали на помалку од сто од почетокот на јуни.
„Нема индикации за забележителни промени во обемот на инфекцијата, и покрај постепеното отворање на општеството во април и почетокот на мај“, се вели во извештајот на јавната здравствена служба, пренесува Ројтерс.
Во понеделникот, данската влада ја зголеми максималната граница за јавни собири на 50 со 10 лица и дозволи повторно да се отворат фитнес центри и јавни базени. Таа планира дополнително да ги олесни ограничувањата на јавните собири во јули и август.
Данска потврди вкупно 593 смртни случаи од КОВИД-19, респираторно заболување предизвикано од новиот коронавирус.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација