Данкан: Асанж нема да биде екстрадиран во земја каде му се заканува смртна казна
Основачот на организацијата Викиликс, Џулијан Асанж нема да биде предаден на земја во која се применува смртната казна, изјави заменик-министерот за надворешни работи на Велика Британија, Алан Данкан на прес-конференција по средбата со еквадорскиот министер за надворешни работи Хозе Валенсија, во Кито.
Данкан додаде дека Велика Британија и Еквадор се согласиле за тоа.
Асанж во САД е обвинет за шпионажа и Вашингтон бара негова екстрадиција. Рочиштето по тоа барање е закажано за крај на февруари следната година во Велика Британија.
САД го обвинува дека ја загрозил безбедноста на нивните дипломати и војници, кога Викиликс во 2010 година објави 250.000 дипломатски документи и околу половина милион доверливи предмети за активностите на американската војска во Ирак и Авганистан. Исто така, Асанж е обвинет и за заговор со некогашната воена аналитичарка Челзи Менинг, која му ги доставила документите.
Лондонскиот суд го осуди на 50 недели затвор за кршење на условите за негово ослободување со кауција. Се разгледува и прашањето за негова екстрадиција во САД, каде што може да биде осуден на 175 години затвор.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово