Данците во проблеми пред финалето, се повреди најдобриот светски ракометар
Најдобриот светски ракометар, репрезентативецот на Данска и водечки стрелец на Светското првенство, Матијас Гидсел се повреди во полуфиналето против Португалија.
Гидсел имаше брилијантен настап со девет гола против Португалија, но тоа не е ништо ново, бидејќи целиот турнир беше одличен и тој беше меѓу најдобрите стрелци на тимот. Често најдобриот.
Сепак, одличниот ракометар малку ги загрижи сите во данската репрезентација и навивачите, бидејќи кон крајот на првото полувреме незгодно падна и го повреди коленото.
Остатокот од натпреварот го мина на клупата за резерви, каде му помагаа лекари и физиотерапевти.
Данецот подоцна се врати на теренот, но видно куцаше, што ги загрижи сите во таборот на светскиот шампион.
На прашањето дали ќе биде подготвен за финалето, Гидсел одговори: „Ќе го играм финалето во недела дури и без нозе или без глава ако е потребно. Се радувам на можноста да го донесам златото дома во Данска“ј.
Финалниот натпревар меѓу Данска и Хрватска е закажан за утре од 18 часот. Доколку Данците ја одбранат титулата светски првак, ќе ја освојат четвртата последователна титула, нешто што ниту една екипа досега не го постигнала во историјата.
Ново на Сител
-
Трамп „не е задоволен“ со Путин, разгледува нови санкции
-
ЦУК: Активни 11 пожари, еден под контрола
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите